سياسة الخصوصية

1مين المسؤول عن بياناتك

Blueberry، عمّان، الأردن. منتعامل مع البيانات الشخصية بما ينسجم مع التشريعات الأردنية النافذة، ومنها قانون حماية البيانات الشخصية.

2شو البيانات اللي منجمعها

• بيانات الطلب: الاسم، رقم الموبايل، الإيميل، المحافظة والعنوان، الملاحظات، والمنتجات اللي طلبتيها وطريقة الدفع.
• صفحة الدفع قبل إتمام الطلب: أول ما تكتبي رقمك أو إيميلك بنحفظ سلّتك، حتى ما تضيع منك ونقدر نذكّرك فيها إذا ما كمّلتي.
• حسابك: رقم الموبايل، الطلبات السابقة، النقاط ومستوى العضوية.
• الاشتراك بالعروض: إيميلك، إذا وافقتي تشتركي.
• بيري: صور وقراءات البشرة بتنحفظ عند خدمة «بيري» نفسها. إذا ربطتي حسابك، المتجر بيسأل بيري عن مدى مناسبة المنتجات لبشرتك بس، وما بنحفظ صورك عنّا.
• بيانات تقنية: عنوان الـ IP ونوع الجهاز والمتصفح، لحماية الموقع من الإساءة ولقياس أداءه.

ما منشوف ولا منحفظ رقم بطاقتك. الدفع بالبطاقة بيتم مباشرة عند Stripe.

3ليش منستعملها

• لتجهيز طلبك وتوصيله والتواصل معكِ بخصوصه (رسائل التأكيد والتتبّع).
• لتأكيد رقم موبايلك برمز برسالة لما يلزم، ولحماية المتجر من الطلبات الوهمية.
• لخدمة ما بعد البيع: الإرجاع والاستبدال والاستفسارات.
• لتذكيرك بسلّتك إذا ما كمّلتي الطلب. بتقدري توقفي التذكير بكبسة من أي إيميل تذكير.
• لإرسال العروض والجديد، بس إذا وافقتي. وبتقدري تلغي الاشتراك بأي وقت من رابط أسفل الإيميل.
• لتحسين المتجر وفهم شو المنتجات اللي بتهمّكم.

4مع مين بنشاركها

بس مع الجهات اللي بتساعدنا نخدمك، وبالقدر اللي بيلزم:

• شركة التوصيل: الاسم والموبايل والعنوان وقيمة الطلب عند الدفع عند الاستلام.
• Stripe: لمعالجة الدفع بالبطاقة.
• مزوّدي الخدمات التقنية: استضافة الموقع، وإرسال الإيميلات، وإرسال رسائل رموز التأكيد.
• أدوات القياس والإعلان (مثل Google وMeta) إذا كانت مفعّلة، لقياس زيارات الموقع وأداء الإعلانات.
• الجهات الرسمية إذا طلب القانون ذلك.

بعض هالمزوّدين ممكن تكون خوادمهم خارج الأردن، ومنختار مزوّدين ملتزمين بحماية البيانات.

5ملفات تعريف الارتباط (الكوكيز)

منستعمل كوكيز ضرورية لتسجيل دخولك وحفظ سلّتك بجهازك. وإذا كانت أدوات القياس والإعلان مفعّلة، ممكن تستعمل كوكيز خاصة فيها. بتقدري تمسحي الكوكيز أو توقفيها من إعدادات متصفحك، بس ممكن ما يزبط تسجيل الدخول أو السلة.

6قديش منحتفظ فيها

• بيانات الطلبات والفواتير منحتفظ فيها طول المدة اللي بيطلبها القانون للسجلات المحاسبية.
• السلال اللي ما صارت طلب بتضل محفوظة لفترة محدودة لخدمة المتابعة.
• إيميل الاشتراك بيضل لحد ما تلغي الاشتراك.

7حقوقك

إلك الحق تطلبي نسخة من بياناتك، أو تصحيحها، أو حذفها (إلا اللي لازم نحتفظ فيه قانونياً)، أو توقفي استعمالها بالتسويق، أو تسحبي موافقتك بأي وقت. ابعتيلنا على info@blueberry-jo.com ومنرد عليكِ بأسرع وقت.

8حماية البيانات

الموقع مشفّر بالكامل (HTTPS)، والوصول لبيانات الزبونات بلوحة التحكم محصور بفريق المتجر وبصلاحيات محددة، وكل عملية بتنسجل.

9الأطفال

المتجر موجّه للبالغين. إذا عمرك أقل من 18 سنة، اطلبي بمساعدة حدا من أهلك.

10تحديث السياسة

ممكن نحدّث هالسياسة من وقت لثاني، والتاريخ فوق بيبيّن آخر تحديث. شوفي كمان الشروط والأحكام.